(باخبر سوات ڈاٹ کام)سوات کے علاقے سالنڈہ میں رات گئے کار سواروں نے پولیس پارٹی پر فائرنگ کردی۔ پولیس کے مطابق گذشتہ رات تحصیل چارباغ کے علاقے سالنڈہ کے مقام پر پولیس نے ناکہ بندی پر ایک فیلڈر موٹر کار کو روکنے کااشارہ کیا لیکن رُکنے کے بجائے ملزمان نے فائرنگ کی اور فرار ہوگئے۔ منگلور پل پر دوسرے ناکے پر موجود اہلکاروں نے اطلاع ملنے پر گاڑی روکنے کی کوشش کی لیکن کارسواروں نے پولیس پر کارچڑھانے کی کوشش کرتے ہوئے فائرنگ کردی اور فرار ہوگئے۔ پولیس اہلکاروں صدام حسین اور خیر محمد نے بھرپور جوابی کارروائی کی۔ پولیس کی فائرنگ سے گاڑی کے ٹائر پھٹ گئے جس کے بعد ملزمان کار چھوڑ کر جھاڑیوں کی طرف بھاگ نکلے۔ پولیس نے علاقے کو گھیرے میں لیکر تلاش شروع کردی۔ اگلے روز دونوں ملزمان ارسلان عرف کامران ولدلیاقت علی سکنہ باجوڑ حال ملالے اور سہیل خان ولدنیک محمد سکنہ ملالے کو گرفتا رکرکے ان کے خلاف مقدمہ درج کرلیا۔ ملزمان کے قبضے سے اسلحہ برآمد کرکے مزید تفتیش جاری رکھی۔
سوات سالنڈہ، رات گئے کار سواروں کی پولیس پارٹی پر فائرنگ
