سوات تعلیمی بورڈ کے زیرِ اہتمام مطالبات کے حق میں مظاہرہ

(باخبرسوات ڈاٹ کام) سوات تعلیمی بورڈ کے زیر اہتمام مطالبات کے حق میں احتجاجی مظاہرہ کیا گیا۔ مظاہرے سے خطاب کرتے ہوئے سوات تعلیمی بورڈ کے کوآرڈی نیشن کونسل کے صدر احسان اللہ، پی ایس ایم اے کے صدر ثواب خان، جنرل سیکرٹری شاہ فیصل، چیئرمین میاں سید بادشاہ، تحصیل بریکوٹ صدر شرافت علی، صدر کمپیوٹر آپریٹر خیبر پختونخوا عالم خان، عوامی نیشنل یوتھ کے سابقہ حیدر علی شاہ اور دیگر نے کہا کہ صوبائی حکومت نے تعلیمی بور ڈزکے حوالے سے جو دو نوٹیفکیشن جاری کئے ہیں۔ اس میں واضح طور پر ایک سنگل بورڈ بنانے کی تجویز ہے،جو ہمیں ہر گز قابل قبول نہیں۔ انہوں نے کہا کہ اگر اس پر عمل درآمد کیا گیا تو طلبہ و طالبات کو مشکلات کا سامنا کرنا پڑیگا۔ کیونکہ طلبہ و طالبات اپنے علاقوں کے بجائے پشاور کا چکر لگائیں گے اور خوار زار ہوجائیں گے۔