پیرا میڈیکل ایسوسی ایشن سوات کا اپنے مطالبات کے حق میں مظاہرہ

(باخبر سوات ڈاٹ کام)پیرا میڈیکل ایسوسی ایشن سوات نے مطالبات کے حق میں پریس کلب کے سامنے احتجاجی مظاہرہ کیا۔ مظاہرے سے خطا ب کرتے ہوئے مقررین نے کہا کہ صوبے بھر میں کنٹریکٹ بنیاد پر بھرتی ہونے والے ای پی آئی ٹیکنیشن کی برطرفی کی جتنی بھی مذمت کی جائے کم ہے۔ کیونکہ یہ ایک ہزار افراد نہیں بلکہ ایک ہزار خاندانوں کے رزق چھیننے کے مترادف ہے۔ انہوں نے کہا کہ محکمہئ صحت نے ان ایک ہزار افراد کو بیک جنبش قلم ختم کرکے ظلم کی انتہا قائم کی ہے، جو ہمیں ہرگز قابل قبول نہیں۔ انہوں نے کہا کہ 26 نومبر 2021ء سے ان افراد کو تنخواہ نہیں دی گئی جس سے ان کے گھروں کے چولہے ٹھنڈے پڑے ہیں۔