کبل، بیٹے نے چچا کے ساتھ مل کر ماں کو قتل کرڈالا

سوات (باخبر سوات ڈاٹ کام)  تحصیل کبل کے علاقہ مہک میں بیٹے نے چچا کے ساتھ مل کر والدہ کو قتل کردیا۔ پولیس کے مطابق تیس سالہ مسماۃ (ف) زوجہ علی بہادر جس کا شوہر سعودی عرب میں ہے، امسال فروری میں گھر سے فرار ہوئی تھی اور کچھ عرصہ پہلے اس نے واپس اکر اپنے آپ کو پولیس کے حوالے کیا۔ جس کے بعد عدالت نے اس کو دارالامان بھیج دیا۔ دس دن قبل اس کے والد سردارے نے ان کی ضمانت کی اور اس کو اپنے گھر لے گیا۔ جہاں گذشتہ رات خاتون کے بیٹے چودہ سالہ ابرار اور ان کے چچا علی رحمان اور حبیب الرحمان نے گھر میں گھس کر اس کو قتل کردیا۔ پولیس کے مطابق انہوں نے تینوں ملزمان کو گرفتار کرکے ان کے خلاف مقدمہ درج کردیا۔