سوات، مختلف ٹریفک حادثات میں ایک شخص جاں بحق، پانچ زخمی

(باخبر سوات ڈاٹ کام) سوات میں مختلف ٹریفک حادثات میں ایک شخص جاں بحق اور پانچ زخمی ہوگئے۔ چھڑی بحرین کے مقام پر جیپ کھائی میں گرنے سے باپ جاں بحق اور بیٹا زخمی ہوگیا۔کبل کے علاقہ دیولئی بازار میں 15 سالہ موٹر سائیکل سوار کی ٹکر سے 30 سالہ شخص زخمی ہوگیا۔ مٹہ کے علاقہ کوز بکوڑ میں موٹر سائیکل سوار کی ٹکر سے سات سالہ بچی زخمی ہوگئی۔ کالاکوٹ کے علاقہ دارمئی میں موٹر سائیکل سوار کی ٹکر سے دس سالہ بچہ زخمی ہوگیا۔ غالیگے میں پک اَپ اور موٹر کار کے درمیان تصادم میں ایک شخص زخمی ہوگیا۔ تمام زخمیوں کو طبی امداد کے لئے مقامی ہسپتالوں میں منتقل کردیا گیا۔