کانجو، چوروں نے متعدد مکانات کا صفایا کردیا، گاڑی بھی لے اُڑے

(باخبر سوات ڈاٹ کام)سوات کے پوش علاقہ کانجو ٹاؤن شپ میں چوروں نے متعدد مکانات میں گھس کر لوٹ مار کی، موٹر کاربھی لوٹ لی۔ٹاؤن شپ میں نامعلوم چور گروہ سرگرم ہوگیا ہے۔ ایک ہی ہفتے کے دوران نامعلوم چوروں نے تین خالی مکانات میں گھس کر لاکھوں روپے مالیت کے زیورات،غیرملکی کرنسی اور دیگر قیمتی سامان اور نقدی سمیٹ کر رفوچکر ہوگئے۔ چوروں نے موٹر کار اور متعدد موٹرسائیکلیں چوری کی ہیں جس سے ٹاؤن کے مکینوں میں شدید خوف وہراس پایا جاتا ہے۔ ٹاؤن فلاحی ایکشن کونسل کے صدررحیم شاہ نے چوری کی بڑھتی وارداتوں پر تشویش کا اظہار کیا ہے اور ساتھ ہی مکینوں سے بھی احتیاط برتنے اور کیمرے نصب کرنے کا مطالبہ کیا ہے۔