جماعت اسلامی میں ملک سنوارنے کی صلاحیت ہے، مولانا ڈاکٹر عطاء الرحمن

(باخبر سوات ڈاٹ کام)جماعت اسلامی کے پاس جس طرح کی پالیسی ہے، وہ پی ڈی ایم کے پاس ہے اور نہ کسی اور کے پاس۔ جماعت اسلامی میں ملک بچانے اور سنوارنے کی صلاحیت موجود ہے۔جماعت اسلامی مسلمانوں کی نمائندہ جماعت ہے۔ جماعت اسلامی کے ارکان و کارکنا ن کردار کے غازی ہیں۔آج تک جماعت کے کسی بھی منتخب نمائندے کے دامن پر کسی بھی قسم کی کرپشن،چوری یا ڈاکے کا کوئی داغ نہیں۔جماعت اسلامی کی لیڈر شپ پاک اور باصلاحیت ہے۔جماعت جیسی لیڈرشپ پوری دنیا میں کہیں بھی نہیں۔ان خیالات کااظہار نائب امیر جماعت اسلامی خیبر پختونخوا مولانا ڈاکٹر عطاء الرحمن نے جماعت اسلامی سوات کے زیر اہتمام المرکزالاسلامی سنگوٹہ میں ضلعی تربیتی اجتماع عام سے خطاب کرتے ہوئے کیا۔