سوات (باخبر سوات ڈاٹ کام) محکمہئ تحفظ اراضیات سوات کے سات ہزار سے زائد رجسٹرڈ کاشت کاروں کو زرعی ضروریات پورا کرنے کے لیے بھرپور معاونت فراہم کررہا ہے۔ موجود ہ صوبائی حکومت نے کاشت کاروں کی ضروریات کے لیے پہلی مرتبہ 8 کروڑ روپے بجٹ جاری کردیا ہے جس سے مختلف مقامات پر کٹاؤ کی شکار زمینوں کے تحفظ کے لیے پشتہ جات کی تعمیر کے علاوہ دیگر ضروریات کو پورا کیا جارہا ہے۔ ان خیالات کا اظہار ڈائریکٹر ڈسٹرکٹ سائل کنزرویشن سوات محمد نذیر خان نے پختونخوا ریڈیوایف ایم 98 سوات کے پروگرام ”حال احوال“ میں گفتگو کرتے ہوئے کیا۔ انہوں نے کہا کہ سوات میں سال 2010ء کے تباہ کن سیلاب سے متاثرہ زرعی زمینوں کی حفاظت کے لئے پشتہ جات تعمیر کیے ہیں۔ اس کے علاوہ پانی کے ذخائر اور بعض مقامات پر قدرتی چشمہ جات کو آب رسانی کی ضروریات کو پورا کرنے کے لیے واٹر ٹینک بھی بنائے جارہے ہیں، جس کے لئے 80 فیصد فنڈ محکمہ تحفظِ اراضیات فراہم کررہاہے جب کہ بقایا 20 فیصد اخراجات متعلقہ کاشت کار فراہم کرکے تمام رقم خود ان کے ہاتھوں خرچ کی جاتی ہے، تاکہ اس میں شفافیت کا عنصر برقرار رہے۔
کاشت کاروں کے لیے 8 کروڑ روپے بجٹ جاری کیا جا چکا ہے، محمد نذیر خان
