سوات، ریسکیو اہلکاروں نے ترقی یافتہ ممالک کے ریسکیو کی یاد تازہ کردی

(باخبر سوات ڈاٹ کام)سوات میں ریسکیو اہلکاروں نے ٹاؤر میں پھنسے ہوئے پرندے کو اتار کر ترقی یافتہ ممالک کے ریسکیو کی یاد تازہ کردی۔ ڈسٹرکٹ ایمرجنسی آفیسر شیر دل خان کو اطلاع ملی کہ مانیار میں ایک موبائل کمپنی کے ٹاؤر میں اونچائی پر ایک پرندہ تاروں میں پھنس گیا ہے۔ اطلاع ملتے ہی انہوں نے ٹیم کو فوری طور پر روانہ کیا۔جہاں اہلکاروں نے ٹاؤر پر چڑھ کر پرندے کو بحفاظت اتارا،اس کا طبی معائنہ کیا جس کے نتیجے میں پرندہ صحت مند نکلا۔ اس کے بعد پرندے کو پانی پلا کر ہوا میں چھوڑ دیا گیا۔