سوات(باخبرسوات ڈاٹ کام) سوات میں اے این پی نے مہنگائی اور ٹیکسوں کے نفاذ کے خلاف احتجاجی مظاہرہ کیا اور پی ٹی آئی کے مینڈیٹ کو جعلی قراردے دیا۔ مینگورہ کے نشاط چوک میں اے این پی کے کارکنوں نے پلے کار ڈز اور بینرز اٹھائے، حکومت کے خلاف شدید نعرے بازی کی۔ اس موقع پر خطاب کرتے ہوئے اے این پی سوات کے صدر شیر شاہ خان، بریگیڈ (ر)محمد سلیم خان،ایوب خان اشاڑے، واجدعلی خان اور دیگر مقررین نے کہاکہ پی ٹی آئی حکومت دھاندلی زدہ حکومت ہے جو جعلی مینڈیٹ لینے کے بعد اب عوام پر ٹیکس لگارہی ہے۔ ہر چیز کو مہنگی کرکے عوام کی کمر توڑی جارہی ہے۔ انہوں نے کہاکہ اے این پی حکومت کے عوام دشمن اقدامات کی شدید مذمت کرتی ہے۔
اے این پی کا مہنگائی اور ٹیکسوں کے نفاذ کے خلاف مظاہرہ
