سوات (باخبر سوات ڈاٹ کام) پشاورہائی کورٹ مینگورہ بنچ کے ڈویژنل بنچ نے نجی سبزی منڈی کے قیام کے لئے دائر رٹ پٹیشن کو خارج کردیا۔ تختہ بند میں نجی سبزی منڈی کے قیام کے لئے آل سوات سبزی منڈی ایسوسی ایشن کی جانب سے عدالت عالیہ میں رٹ پٹیشن دائر کردی گئی تھی۔ حکومت اور ٹی ایم اے کی جانب سے اورنگز یب خان ایڈوکیٹ اور سبزی منڈی ایسوسی ایشن کے وکلا کے دلائل مکمل ہونے کے بعد جسٹس سید ارشدعلی اور جسٹس وقار احمد پر مشتمل ڈویژبنچ نے فیصلہ سناتے ہوئے آل سوات سبزی منڈی ایسوسی ایشن (شیر عالم گروپ) کی جانب سے تختہ بند میں نجی سبزی منڈی کے قیام کے لئے دائر رٹ پٹیشن کو خارج کردیا۔ اس سے قبل مینگورہ سبزی منڈی کی منتقلی کے حوالے سے بھی حکم امتناعی حاصل کیا گیا تھا، لیکن وہ بھی حکومت کی جانب سے دلائل دینے کے بعد ختم کردیا گیا تھا۔
پشاور ہائی کورٹ، نجی سبزی منڈی کے قیام کے لئے دائر رٹ پٹیشن خارج
