سوات (باخبرسوات ڈاٹ کام) 14 اکتوبرکو ہونے والے ضمنی انتخابات کے لئے سوات کے دو صوبائی حلقوں سے مجموعی طور پر 40 امیدواروں نے کاغذات نامزدگی جمع کرائے۔ پی کے 3 کو ایم این اے منتخب ہونے کے بعد تحریک انصاف کے ڈاکٹر حیدر علی خان نے خالی کیا تھا ۔ دو صوبائی نشستیں جیتنے کے بعد صوبائی وزیر معدنیات ڈاکٹر امجد علی نے پی کے7کو خالی کیا تھا۔ پی کے 3پر ایم این اے ڈاکٹر حیدر علی کے بھائی محمد علی خان، دو بھتیجوں آفتاب علی خان، سجاد علی خان،پچھلے انتخابات کے رنر اپ ن لیگ کے سردار خان سمیت 23امیدواروں نے کاغذات نامزدگی جمع کرائے ہیں۔ پی کے 7 پر رنر اَپ امیدوار اے این پی کے وقار خان، تحریک انصاف کے حاجی فضل مولا، سعید خان ڈھیرئی، رحمان ، کمال، ن لیگ کے عبدالغفور سمیت 17 امیدواروں نے کا غذاتِ نامزدگی جمع کرائے ہیں۔ تحریک انصاف کی جانب سے دونوں صوبائی حلقوں میں ابھی تک کسی کو ٹکٹ جاری نہیں کیا گیا اور اگر اپوزیشن نے اتحاد کرلیا، تو پی کے3 پر ن لیگ کے سردار خان اور پی کے7 پر اے این پی کے وقار احمد خان اپوزیشن کے مشترکہ امیدوار ہوں گے۔
سوات ضمنی انتخابات کے لیے 40امیدواروں نے کاغذاتِ نامزدگی جمع کرا دیے
