سکول بس حادثہ، سوگ میں سوات کے تمام نجی سکول بند رہے

(باخبر سوات ڈاٹ کام)سکول بس حادثہ کے سوگ میں سوات کے تمام نجی سکول پیر کو بند رہے۔ نجی سکولوں کی تنظیم کی اپیل پر اساتذہ سکولوں میں گئے اور جاں بحق بچوں کے بلند درجات اور زخمی بچوں کی صحت یابی کے لئے دعاکی۔ سکول انتظامیہ نے بچوں سے اپیل کی تھی کہ وہ گھروں میں جاں بحق بچوں کے بلند درجات اور زخمی بچوں کی صحت یابی کے لئے قرآن خوانی اور دعا کریں۔ بس حادثہ میں شہید ہونے والے بچوں کے ایصال ثواب کیلئے یونیورسٹی آف سوات کے شعبہئ صحافت کے طلبہ اور اساتذہ نے اجتماعی دعا کی جبکہ زخمی بچوں کی جلد صحت یابی کیلئے دعا کی۔