سوات، ضلعی ایجوکیشن سٹیئرنگ کمیٹی کے سلسلے میں اعلیٰ سطحی اجلاس منعقد

(باخبر سوات ڈاٹ کام) ایڈیشنل ڈپٹی کمشنرسہیل احمد خان کی صدارت میں ضلعی ایجوکیشن سٹیئرنگ کمیٹی کے سلسلے میں ایک اعلیٰ سطحی اجلاس ایڈیشنل ڈپٹی کمشنر آفس میں منعقد ہوا۔ اجلاس میں ڈسٹرکٹ مانیٹرنگ آفیسر ایجوکیشن ریاض علی خان، ڈسٹرکٹ ایجوکیشن آفیسر مردانہ اور زنانہ اوردیگر افسران نے شرکت کی۔ اجلاس میں محکمہ تعلیم کی گذشتہ کارکردگی کا تفصیلی جائزہ لیا گیا۔ ڈسٹرکٹ مانیٹرنگ آفیسر نے محکمہ تعلیم ضلع سوات کی مجموعی کارکردگی، اساتذہ اور طلبہ و طالبات کی حاضری اور دیگر امورکے حوالے سے تفصیلی بریفنگ دی۔ ایڈیشنل ڈپٹی کمشنرسہیل احمد خان نے محکمہ ابتدائی وثانوی تعلیم کی خدمات اور کارکردگی کو سراہتے ہوئے کہا کہ معیاری تعلیم فراہم کرنا حکومت کی اولین ترجیحات میں شامل ہے۔ کیونکہ تعلیم کے بغیر کوئی قوم ترقی نہیں کرسکتی۔