(باخبر سوات ڈاٹ کام)سیدو شریف ہسپتال سے قتل کے دو ملزمان ہتھکڑیاں کھول کر فرار ہوگئے۔ قتل کے دو ملزمان رحم داد ساکن کبل اور گلاب ساکن خوازہ خیلہ سوات جیل میں قید تھے۔ بدھ کو دونوں قیدیوں نے جیل میں بیماری کا بہانا بنایا جس پر جیل کے ڈاکٹر نے ان کو معائنہ کے لئے سیدو شریف ہسپتال منتقل کرنے کا کہا۔ جیل انتظامیہ نے پولیس کو طلب کیا جنہوں نے دونوں قیدیوں کو سیدو شریف ہسپتال منتقل کیا، جہاں پر دونوں قیدی ہتھکڑیاں کھول کر فرار ہوگئے۔ بعد میں پولیس نے ضلع بھر میں ناکہ بندیاں کیں، تاہم آخری اطلاعات تک ملزمان کو گرفتار نہیں کیا جاسکا۔
Swat