اے پی ایس سانحہ ہمارے لئے ایک سبق ہے، عائشہ سید

(باخبر سوات ڈاٹ کام) جماعت اسلامی کی خاتون رکن قومی اسمبلی عائشہ سید نے کہاہے کہ اے پی ایس سانحہ ہمارے لئے ایک سبق ہے۔ اس سے ہمیں مستقبل کے لئے راہ متعین کرناہے۔ میڈیا سے گفتگوکرتے ہوئے انہوں نے کہا کہ اے پی ایس واقعے کا غم اور خوف ابھی تک ہمارے بچوں اور ان کے والدین کے دلوں سے نہیں نکلا ہے۔ اس کے مضمرات اور والدین کے دکھ کو وہی لوگ سمجھ سکتے ہیں جن پریہ واقعات گزرے ہوں۔ انہوں نے متاثرہ خاندان کے ساتھ ہمدردی کا اظہارکرتے ہوئے کہاکہ اللہ تعالی ان معصوم شہدا کی بدولت والدین اور خاندان والوں کو اعلیٰ مقام عطا فرمائے۔انہوں نے کہاکہ حکومت کی ذمہ داری ہے کہ ایسے واقعات کی روک تھام کے لئے پالیسیاں بنائے۔ ایسے واقعات کو اپنے لئے ایک بدترین مثال رکھ کر ان سے بچنے کے لئے ٹھوس اقدامات کئے جائیں ۔