مختلف واقعات میں دو افراد زخمی

مینگورہ(باخبر سوات ڈاٹ کام) سوات کے علاقہ چارباغ میں ایف سی اہلکار اپنی بندوق چل جانے سے زخمی ہوگیا۔ دوسرے واقعہ میں تندوڈاگ میں نوجوان نے خود کو فائرنگ کرکے زخمی کردیا۔ چارباغ کے علاقہ بنئی بابا میں ڈیوٹی پر مامور اہلکار سیف الرحمان سے غلطی سے اپنی ہی بندوق چل پڑی جس کے نتیجے میں وہ پاؤں پر لگ کر زخمی ہوگیا۔ دوسری طرف تندو ڈاگ میں سعید نامی نوجوان نے خودکشی کی غرض سے خود پر فائرنگ کی جس سے وہ زخمی ہوگیا۔ دونوں زخمیوں کو طبی امداد کے لئے مقامی ہسپتال منتقل کر دیا گیا۔