(باخبر سوات ڈاٹ کام) سوات سمیت پورے صوبے میں پٹواریوں کی ہڑتال کی وجہ سے زمینوں کی خرید و فروخت اور محکمہ مال کے تمام کام ٹھپ ہو کر رہ گئے۔ انجمن پٹواریان و قانون گویان خیبر پختون خواہ کے صدر محمد خان کے مطابق حکومت نے ان کے اَپ گریڈیشن اور دیگر مطالبات کو منظور کیا تھا۔ اَپ گریڈیشن کا بل اسمبلی سے بھی منظور ہوا تھا لیکن اب تک حکومت نے پٹواریوں کی اَپ گریڈیشن نہیں کی جس کی وجہ سے 2مارچ تک صوبے کے تمام اضلاع میں قلم چھوڑ ہڑتال ہوگی۔ اس کے بعد آئندہ کے لائحہ عمل کا اعلان کیا جائے گا۔ پٹواریوں کی ہڑتال کی وجہ سے صوبہ بھر میں زمینوں کی خرید و فروخت، فرد کے حصول سمیت کوئی کام نہیں ہو رہا جس کی وجہ سے لوگوں کو شدید مشکلات کا سامنا ہے
Swat