(باخبر سوات ڈاٹ کام) سوات میں کانجو فلائی اوور کی تعمیر کے خلاف احتجاجی مظاہرہ کیا گیا۔3ارب روپے کا کانجو فلائی اوور منصوبہ نا منظورکے نعرے لگائے گئے۔ مظاہرین نے کبل میں اسسٹنٹ کمشنر کے دفتر کے سامنے جمع ہوکر مظاہرہ کیا۔ مظاہرے کی قیادت ن لیگ سے تعلق رکھنے والے نائب نا ظم تحصیل کبل انجینئر حنیف خان کررہے تھے۔ مظاہرین نے پلے کارڈز اٹھارکھے تھے جن پر کانجو فلائی اوور تعمیر کرانے کے خلاف نعرے درج تھے۔ مظاہرین سے خطاب کر تے ہوئے تحصیل نائب نا ظم انجینئرحنیف خان ، اے این پی کے رہنما شیر شاہ خان ، کا شف ایڈووکیٹ، وکیل احمد کانجو، پی ٹی آئی کے ملک عبد الکبیر خان نے کہا کہ آئین کے مطابق ہر شہری کو بنیادی حقوق فراہم کرنا ریاست کی ذمہ داری ہے۔ کانجو کے عوام پہلے ہی سے دہشت گر دی سیلاب سے متا ثرہیں، انہیں حکومت مزید تنگ نہ کریں۔ اس موقع پراسسٹنٹ کمشنر کبل نے مظاہرین کے ساتھ مذاکرات کئے اور ان کے تحفظات دور کرنے کی یقین دہانی کرائی جس پر مظاہرین منتشر ہوگئے
Swat