نجی ہاسٹل میں بجلی کا کرنٹ لگنے سے باورچی جاں بحق

سوات (باخبر سوات ڈاٹ کام) مینگورہ کے علاقہ رحیم آباد کے نجی ہاسٹل میں بجلی کا کرنٹ لگنے سے ہاسٹل کا باورچی نیچے گر کر جاں بحق ہوگیا۔سوات بورڈ نگ ہاسٹل کا باورچی عمر حیات سکنہ مرغزار سیدو شریف، ہاسٹل کی چھت پر کچھ کام کر رہا تھا کہ اس دوران میں ہاسٹل کی چھت کے قریب گزرنے والی بجلی کی لائن سے اس کا ہاتھ ٹکرا گیا۔ نتیجتاً وہ کرنٹ لگنے سے زمین پر گر کر جاں بحق ہوگیا۔