سوئی گیس کی لائن ٹوٹنے سے سوات میں قدرتی گیس کی سپلائی بند

سوات (باخبر سوات ڈاٹ کام) مینگورہ کے نواحی علاقہ تختہ بند میں سڑک کی تعمیراتی کام کے دوران سوئی گیس کی چار انچ لائن ٹوٹنے سے سوات میں قدرتی گیس کی سپلائی دن بھر بند رہی جس کی وجہ سے صارفین کو شدید مشکلات کا سا منا کرنا پڑا۔ اس سلسلے میں رابطہ پر سوئی گیس حکام کا کہنا تھا کہ تختہ بند روڈ پر تعمیراتی کام کے دوران کھدائی کرتے وقت سوئی گیس کی چار انچ مین لائن ٹوٹ گئی ہے جس کی وجہ سے ضلع بھر میں سوئی گیس کی سپلائی کو بند کردیا گیا ہے۔ اہلکاروں کے مطابق پائپ ٹھیک کرنے پر کام تیزی سے جاری ہے۔ شام تک گیس کی سپلائی بحال کر دی جائیگی۔