تیز ہواؤں کے ساتھ شدید ژالہ باری نے تباہی مچادی

سوات(باخبر سوات ڈاٹ کام) سوات میں تیز ہواؤں کے ساتھ شدید ژالہ باری نے تباہی مچادی ۔کھڑی فصلوں اور باغات کو شدید نقصان پہنچا ۔مینگورہ شہر میں نکاسِ آب کے ناقص انتظام کے باعث سیدوشریف روڈ، رحیم آباد روڈ سمیت کئی اہم شاہراہیں تالابوں میں تبدیل ہوگئیں ۔ٹریفک کا نظام متاثر ہوکر لوگوں کو آمدورفت میں شدید مشکلات کا سامنا کرناپڑا ۔مینگورہ شہر سمیت مختلف علاقوں میں علی الصبح اور مابعد وقفے وقفے کے ساتھ موسلادھار بارش کے ساتھ ساتھ شدید ژالہ باری ہوئی۔ جس سے سیب،آڑو،الوچہ ،خوبانی سمیت دیگر پھلوں اور سبزی کے باغات کو شدید نقصان پہنچا ہے ۔واسا سوات کے جنرل منیجر میاں شاہد علی کے مطابق شہر کی تمام سڑکوں سے پانی نکالنے کا کام مکمل کرلیا گیا ہے۔