(باخبر سوات ڈاٹ کام ) ڈپٹی کمشنر سوات عامر آفاق کی ہدایت پر ایڈیشنل اسسٹنٹ کمشنر عامر علی شاہ نے مینگورہ شہراور ملحقہ علاقوں میں غیر معیاری پاپڑ بنانے والے کارخانوں کے خلاف کارروائی کا آغاز کردیا ہے۔ اس دوران تین کارخانہ مالکان کو مجموعی طورپر ایک لاکھ بیس ہزارروپے جرمانہ کیا گیا ہے جبکہ ایک کارخانے کو سیل کردیا گیا۔ ڈی سی سوات عامر آفاق نے تمام پاپڑ کارخانہ داروں کو متنبہ کیا ہے کہ وہ غیر معیاری پاپڑ تیار کرنے کا سلسلہ بند کردیں۔ بصورت دیگر اُن کے کارخانوں کو بند کردیا جائیگا اور اُن کے خلاف قانونی کارروائی کی جائیگی۔
Swat