سوات، بارش و برف باری کے سلسلے سے سردی میں اضافہ

مینگورہ (باخبر سوات ڈاٹ کام) سوات میں برف باری اور بارش کے سلسلے کے آغاز کے ساتھ ہی سردی کی شدت میں اضافہ ہوگیا۔ پیر کی صبح سے ملم جبہ اور دیگر بالائی پہاڑوں پر برف باری اور مینگورہ شہر سمیت ضلع بھر میں بارش کا سلسلہ شروع ہوا جو شام تک جاری رہا۔ بارش اور برف باری سے سردی کی شدت میں مزید اضافہ ہوگیا۔ محکمہ موسمیات کے مطابق آج منگل کو بھی بارش اور مزیدعلاقوں میں برف باری کا امکان ہے۔