برڈز کی جانب سے میٹرک پری بورڈ امتحانات کے ذہین طلبہ و طالبات میں انعامات تقسیم

(باخبر سوات ڈاٹ کام) بورڈ آف ایجوکیشنل ریسرچ اینڈ ڈویلپمنٹ سوات کی جانب سے میٹرک کے پری بورڈ امتحانات میں نمایاں کارکردگی دکھانے والے طلبہ و طالبات میں انعامات تقسیم کیے گئے۔ اس حوالے سے ایک تقریب کا اہتمام کیا گیا جس میں سوات تعلیمی بورڈ کے اکیڈمک سیکرٹری عمر حسین، برڈز کے چیئر مین فضل ربی، وائس چیئر مین عمر علی، سکولوں کے اساتذہ اور طلبہ و طالبات شریک ہوئے۔ اس موقع پر میٹرک کے پری بورڈ امتحان میں پوزیشن حاصل کرنے والے طلبہ و طالبات میں انعامات بھی تقسیم کیے گئے