(باخبرسوات ڈاٹ کام ) سوات ٹریڈرزفیڈریشن کے صدر عبدالرحیم نے ملاکنڈ ڈویژن کی خصوصی حیثیت(پاٹا) کو ختم کرنے کے فیصلے اور ٹیکسوں کے نفاذ کی شدید مخالفت کرتے ہوئے خبردار کیا ہے کہ ملاکنڈ ڈویژن میں ٹیکسوں کے نفاذ کا فیصلہ واپس نہ لیا گیا، تو ملاکنڈ ڈویژن کی تاجربرداری اس ظالمانہ فیصلے کے خلاف سیسہ پلائی دیوار بن کر مزاحمت کریں گے۔ میڈیا کے نمائندوں سے گفتگو کرتے ہوئے عبدالرحیم نے کہاکہ سوات سمیت ملاکنڈ ڈویژن میں دہشت گردی اور سیلاب کی تباہ کاریوں کے بعد حکومت کی جانب ترقی کے عمل کے برعکس ٹیکس کے نفاذ کا اقدام سراسر ظلم اور ناانصافی ہے۔
Swat