خوازہ خیلہ میں ناروا لوڈ شیڈنگ کے خلاف شدید احتجاج

سوات (باخبر سوات ڈاٹ کام) خوازہ خیلہ میں تاجروں نے ناروا لوڈ شیڈنگ کے خلاف شٹر ڈاؤن احتجاج کیا ۔ تاجروں نے بشام چوک خوازہ خیلہ کے مقام پر روڈ کو ٹریفک کے لئے بند کرکے احتجاج کیا اور حکومت کے خلاف نعرہ بازی کی ۔ مظاہرین کا کہنا تھا کہ ان کے علاقہ میں سولہ سے اٹھارہ گھنٹے لوڈ شیڈنگ کی جارہی ہے، جس کی وجہ سے لوگ شدید مشکلات کا شکار ہیں اور کاروبارِ زندگی معطل ہے ۔ انہوں نے کہا کہ اگر غیر اعلانیہ اور ناروا لوڈ شیڈنگ کا سلسلہ بند نہ کیا گیا تو شدید احتجاج کیا جائے گا ۔