فارسٹ ڈیپارٹمنٹ کے پرائیویٹ ملازمین کا مظاہرہ

سوات   (باخبرسوات ڈاٹ کام)  فارسٹ ڈیپارٹمنٹ کے پرائیویٹ ملازمین نے احتجاجی مظاہرہ کیا۔ مظاہرے سے خطاب کرتے ہوئے عمران، جہانگیر اور دیگر نے کہا کہ گذشتہ 11 مہینوں سے ہماری تنخواہیں بند ہیں، جس کی وجہ ہمارے گھروں میں فاقے ہی فاقے ہیں۔ انہوں نے کہا کہ فارسٹ ڈیپارٹمنٹ نے ہمیں ملازمت پر رکھا تھا اور کہا تھا کہ آپ لوگوں کو فی دن 400 روپے مزدوری دی جائے گی۔ ہم وہی ڈیوٹی سرانجام دے رہے ہیں جس کی ہمیں مزدوری نہیں مل رہی۔ انہوں نے کہا کہ 11 مہینوں سے ہمیں کوئی معاوضہ نہیں مل رہا۔ اس سلسلے میں ہم نے فارسٹ ڈیپارٹمنٹ کو بار بار اپنے مطالبات پیش کئے، لیکن کوئی پرسان حال نہیں۔ اس لئے ہم احتجاج کرنے پر مجبور ہیں۔