مینگورہ (باخبر سوات ڈاٹ کام) سوات میں بڈمنٹن انڈر23 مقابلوں کے لئے کھلاڑیوں کے ٹرائلز 8فروری کو بیڈمنٹن ہال مکان باغ میں ہوں گے۔سوات بیڈمنٹن ایسوسی ایشن کے صدر یحیٰ خان دولت خیل کے جاری کردہ بیان میں کہا گیا ہے کہ پورے سوات سے بیڈمنٹن کے کھلاڑی ان ٹرائلز میں شریک ہوسکتے ہیں، تاکہ بہتر سلیکشن ہوسکے اور کھلاڑی آگے جاکر نہ صرف سوات بلکہ پورے ملک کا نام روشن کرسکیں۔ انہوں نے مزید کہا کہ بیڈمین کھیل کے حوالے سے سوات ایک زرخیز خطہ ہے۔ اس مٹی نے قومی لیول کے کھلاڑی عبدالباسط اور شاہد پیدا کئے ہیں۔انہوں نے کہا کہ سوات کے لئے یہ فخر کا مقام ہے کہ عبدالباسط پاکستان واپڈا کی طرف سے قومی و بین الاقوامی مقابلوں میں ملک کی نمائندگی کرتے ہیں جبکہ شاہد ہائیر ایجوکیشن کمیشن کراچی کی طرف سے مقابلوں میں حصہ لیتے ہیں
Swat