سوات کا ایک اور محنت کش سعودیہ میں کورونا سے انتقال کرگیا

سوات    (باخبر سوات ڈاٹ کام)     سوات سے تعلق رکھنے والا ایک اور محنت کش سعودی عرب میں کورونا وائرس سے انتقال کرگئے۔ سلطان زیب ساکن محلہ فارم، رحیم آباد مینگورہ محنت مزدوری کے لیے سعودی عرب گیا تھا، جہاں وہ کچھ ہفتے قبل کورونا وائرس کا شکار ہوگیا۔ وہاں کے ہسپتال میں جاں بحق ہوا۔ ان کو گذشتہ روز سعودی عرب کے دارالخلافہ ریاض میں ایس اُو پیز کے تحت سپرد خاک کردیا گیا۔