سوات میں بھی یومِ شہدائے پولیس منایا گیا

(باخبر سوات ڈاٹ کام)ملک کے باقی علاقوں کی طرح سوات میں بھی یومِ شہدائے پولیس منایا گیا۔ صبح پولیس کے افسران نے شہید پولیس اہلکاروں کی قبروں پر پھول چڑھائے، سلامی دی اور بلند درجات کے لئے دعا کی۔ بڑی تقریب پولیس لائن میں ہوئی جہاں ڈی آئی جی (آر پی اُو) عبدالغفور آفریدی اور ڈی پی اُو دلاور خان بنگش نے یادگارِ شہدا پر سلامی دی اور پھول چڑھائے۔ بعد میں انہوں نے شہدا کے اہل خانہ سے ملاقات کی اور ان کے ساتھ کھانا کھایا۔ اس موقع پرپولیس اہلکاروں نے خون کے عطیات بھی دیے۔