(باخبر سوات ڈاٹ کام)واٹر اینڈ سینی ٹیشن سروسز کمپنی سوات (ڈبلیو ایس ایس سی سوات) نے سہ روزہ عیدالاضحی آپریشن کامیابی کے ساتھ مکمل کرلیا۔ عید کے تین دنوں میں مینگورہ شہر اور ملحقہ علاقوں سے 2000 ٹن آلائشیں اٹھا کر تلف کی گئیں۔ آپریشن میں 500 اہلکار بشمول ڈرائیور، سپروائزر شامل تھے۔ اس کے ساتھ75 چھوٹی بڑی گاڑیاں، جن میں ڈبلیو ایس ایس سی کی اپنی 36 گاڑیاں شامل تھیں جب کہ 39 گاڑیاں کرایہ پر حاصل کی گئی تھیں۔ ان کے ذریعے قربانی کے جانوروں کی آلائشیں اور باقیات مختلف علاقوں اور کلیکشن پوائنٹس سے ڈمپنگ سائٹ لے جاکر محفوظ طریقے سے ٹھکانے لگائی گئیں۔ علاقہ کے لوگوں نے بھی واسا کی کارکردگی کو سراہا۔
Swat