امیر مقام کا سیلاب سے متاثرہ علاقوں کا دورہ

(باخبر سوات ڈاٹ کام) وزیر اعظم کے مشیر اور ن لیگ کے صوبائی صدر امیر مقام نے مینگورہ میں سیلاب سے متاثرہ علاقوں کا دورہ کیا اورمتاثرین سے ملاقات کی۔ اس موقع پر انہوں نے سیلاب سے ہونے والے جانی و مالی نقصان پر افسوس کا اظہار کیا اور جاں بحق افراد کے بلند درجات کے لئے دعا کی۔ سیلاب زدگان سے بات چیت کرتے ہوئے انہوں نے کہا کہ وہ وزیر اعظم شہباز شریف کے حکم پر آئے ہیں اور وفاقی حکومت سیلاب زدگان کی ہر ممکن مدد کرے گی۔