سوات، بارش و برف باری کا سلسلہ جاری، سردی کی شدت میں اضافہ

(باخبر سوات ڈاٹ کام)سوات میں دوسرے روز بھی بارش و برف باری کا سلسلہ جاری رہا، جس کی وجہ سے میدانی علاقوں میں سردی کی شدت میں اضافہ ہوا۔ منگل کو میدانی علاقوں میں وقفے وقفے سے بارش اور بالائی پہاڑوں پر ہلکی برف باری کا سلسلہ جاری رہا۔ محکمہ موسمیات کے مطابق آج بدھ کو مطلع اَبر آلود رہنے کا امکان ہے، تاہم سردی کی شدت میں اضافہ برقرار رہیگا۔