دس سال میں ہسپتال کی نئی بلڈنگ کی تکمیل نہ ہونامنتخب نمائندوں کی نا اہلی ہے، محمد امین

(باخبر سوات ڈاٹ کام) امیر جماعت اسلامی ضلع سوات سابق ایم پی اے محمدامین نے سید وشریف ہسپتال کی حالت زارپر افسوس کا اظہار کرتے ہوئے کہا کہ دس سالوں میں ہسپتال کی نئی بلڈنگ کی تکمیل نہ ہوناموجودہ منتخب نمائندوں کی نااہلی ہے۔ ہسپتال کھولنے کے لئے اخباری بیانات اور ڈرامہ بازیوں کے بجائے ممبرانِ اسمبلی عملی اقدامات کریں۔اپنے ایک بیان میں انہوں نے کہا کہ سیدو ہسپتال کے فنڈز کو دوسرے علاقوں کو منتقل کرنا یہاں کے عوام کے ساتھ نا انصافی ہے۔ انہوں نے کہا کہ سیدو ہسپتال ملاکنڈ ڈویژن کاواحد ٹیچنگ اور ڈویژنل ہسپتال ہے اور موجودہ دور حکومت میں یہ ہسپتال اصطبل کا منظر پیش کر رہا ہے