سوات (باخبر سوات ڈاٹ کام) سوات ٹریڈرز فیڈریشن کے صدر اور ’’پاٹا‘‘ کے مسئلہ پر آل پارٹیز کے ترجمان عبدالرحیم نے کہا ہے کہ فاٹا انضمام میں ملاکنڈ ڈویژن کے عوام کو قربانی کا بکرا بنا یا گیا ہے جس میں ممبران قومی و صوبائی اسمبلی کی مجرمانہ غفلت اور عوام مخالف فیصلوں پر عوام میں سخت تشویش کی لہر پائی جا رہی ہے۔ جاری کردہ پریس ریلیز میں کہا گیا ہے کہ ملاکنڈ ڈویژن کے عوام کے حقوق پر کسی قسم کی سودے بازی نہیں کی جائے گی، نہ کسی کو یہاں کے عوام سے مراعات چھیننے کی اجازت دے سکتے ہیں۔ انہوں نے کہا کہ ملاکنڈ ڈویژن کے ممبران قومی و صوبائی اسمبلی نے اس مسئلہ پر آواز نہ اٹھا کر یہاں کے عوام کو مایوس کیا۔
Swat