سوات (باخبر سوات ڈاٹ کام) یونیورسٹی آف سوات میں وزیراعظم کی لیپ ٹاپ سکیم کے تحت 350 سے زائدطلبہ وطالبات میں لیپ ٹاپ تقسیم کئے گئے۔ اس سلسلے میں جمعرات کے روزپی ٹی سی ایل کیمپس سوات یونیورسٹی میں ایک تقریب منعقدہوئی جس میں مہمان خصوصی یونیورسٹی آف سوات کے وائس چانسلرپروفیسرڈاکٹرمحمدجمال خان نے مختلف شعبہ جات میں زیرتعلیم طلبہ وطالبات میں لیپ ٹاپ تقسیم کئے۔ ا س موقع پرخطاب کرتے ہوئے انہوں نے کہاکہ آج کے جدیددورمیں انفارمیشن ٹیکنالوجی کی اہمیت مسلم ہے۔ طلبہ کو ملک وقوم کی ترقی میں مثبت کرداراداکرنے کے لیے تعلیم کے میدان میں اپنے جوہردکھاناہوں گے۔ انہوں نے کہاکہ سوات یونیورسٹی اپنے محدودوسائل میں رہتے ہوئے طلبہ کوبہترسے بہترسہولیات کی فراہمی کے لیے کوشاں ہیں، تاکہ نوجوان نسل کومختلف شعبہ ہائے زندگی میں کلیدی کرداراداکرنے کاقابل بنایاجاسکے۔
Swat