ڈگری کالج کبل میں سیکڑوں طلبہ داخلے سے محروم

سوات (باخبر سوات ڈاٹ کام) گورنمنٹ ڈگری کالج کبل میں نشستیں کم اور امیدوار زیادہ ہونے کی وجہ سے امسال سیکڑوں طلبہ داخلوں سے محروم رہ جائیں گے ۔ڈگری کالج کبل میں سیکنڈ شب ختم کر نے اور سیٹوں کی تعداد کم ہو نے کی وجہ سے بیشتر طلبہ داخلوں سے محروم ہو جائیں گے۔ ڈگری کا لج کبل میں 3100 داخلہ فارم جمع ہو چکے ہیں، جن میں سے صرف500طلبہ کو داخلہ دیا جائے گا ۔ طلبہ نے مطالبہ کیا ہے کہ کالج میں سیکنڈ شفٹ کا دوبارہ آغاز کیا جائے تاکہ طلبہ داخلوں سے محروم نہ ہوں ۔