سوات (باخبرسوات ڈاٹ کام) حلال فوڈ اتھارٹی نے سوات میں ملاوٹ شدہ دودھ کے خلاف آپریشن کا آغاز کر دیا۔ اتھارٹی کے ریجنل ڈائریکٹر محمد اسد قاسم کی ہدایت پر شروع اس مہم کے پہلے روز 43 شیرفروشوں اور ڈیری مراکز کا معائنہ کیا گیا جن متعدد مقامات پر دودھ میں ملاوٹ پائی گئی، اور دودھ مضر صحت قرار پایا گیا، اس پر 1200 لٹر ملاوٹ شدہ دودھ ضائع کرنے کے علاوہ دکان مالکان کو سخت تنبیہ کے ساتھ جرمانہ بھی کیا گیا۔ شدید خلاف ورزی پر بعض دکانوں کو سیل بھی کیا گیا۔ دریں اثنا اتھارٹی نے ایک مقامی کمپنی کے تیار کردہ گوا جوس پر پابندی عائد کر دی ہے، جس میں کیڑے مکوڑوں سے حاصل کردہ E120 کلر کا استعمال ہوا ہے اور یہ حرام و مضر صحت ہے۔
Swat