سوات، بارش و برف باری کا نیا سلسلہ شروع، سردی کی جاری لہر میں اضافہ

سوات   (باخبرسوات ڈاٹ کام)  سوات میں بارش و برف باری کا نیا سلسلہ شروع ہوگیا، جس کے ساتھ سردی کی جاری لہر میں مزید اضافہ ہوگیا۔ ہفتہ کو میدانی علاقوں میں وقفے وقفے سے بارش اور بالائی علاقوں میں برف باری کا سلسلہ شروع ہوا جو شام گئے تک جاری رہا۔ محکمۂ موسمیات کے مطابق بارش و برف باری کا یہ سلسلہ چھ سے سات روز تک جاری رہنے کا امکان ہے۔ اگلے ہفتہ کے روز مینگورہ شہر اور میدانی علاقوں میں بھی برف باری کا امکان ہے ۔