ڈالر کے ساتھ چپل کی قیمتوں میں بھی اضافہ ہوا ہے، رسول خان

سوات(باخبر سوات ڈاٹ کام)  ڈالر کی قدر میں اضافہ کی وجہ سے جہاں ہر چیز کی قیمتوں میں اضافہ ہوا ہے، وہاں چمڑے سے بننے والی پشاوری چپل کی قیمتوں میں بھی اضافہ ہوا ہے۔ ایک دکاندار رسول خان نے باخبر سوات ڈاٹ کام کو بتایا کہ ڈالر کی قدر میں اضافے کی وجہ سے چمڑے، کیل، دھاگے اور کرایہ میں اضافہ ہوا ہے جس کی وجہ سے اس سال چپل کی قیمتوں میں ہوشر بار اضافہ دیکھنے میں آرہا ہے۔ انہوں نے کہا کہ پہلے پشاوری چپل مکمل طور پر ہاتھ سے تیار کیے جاتے تھے اور اب جدید ٹیکنالوجی کی بدولت اس کی سلائی اور کٹائی مشینوں کے ذریعے کی جاتی ہے، لیکن باقی چپل ہاتھ سے ہی تیار کی جاتی ہیں۔