وادئی کالام اور ملحقہ بالائی پہاڑوں پر مئی کے مہینے میں ہلکی برف باری

سوات   (باخبر سوات ڈاٹ کام)   سوات کی وادئی کالام اور ملحقہ بالائی پہاڑوں پر مئی کے مہینے میں بھی ہلکی برف باری ہوگئی جس سے موسم سرد ہوگیا۔  مینگورہ شہر سمیت سوات کے بیشتر علاقوں میں دوسرے روز بھی بارش سے سردی واپس لوٹ آئی۔ لوگوں نے جمعہ کو بھی پنکھے نہیں چلائے۔ وادئی کالام کے بالائی پہاڑوں فلک سیراور دیگر چوٹیوں پر ہلکی برف باری ہوئی جس کی وجہ سے بالائی علاقوں میں سردی کی شدت میں اضافہ ہوگیا۔ محکمہئ موسمیات کے مطابق آج ہفتہ سے سوات میں مطلع صاف رہنے کا امکان ہے۔