سوات، جمعرات کو بھی سیاحوں کی آمد کا سلسلہ جاری، تعداد دو لاکھ سے متجاوز

سوات (باخبر سوات ڈاٹ کام)    سوات میں جمعرات کو بھی سیاحوں کی آمد کا سلسلہ جاری رہا۔ انتظامیہ کے مطابق عید کے پہلے روز سے اب تک دو لاکھ سے زائد سیاح سوات میں داخل ہوئے۔ ملم جبہ اور بحرین کالام روڈ پر سیاحوں کی بڑی تعداد میں آمد کی وجہ سے ان سڑکوں پر کئی کلومیٹرز تک گاڑیوں کی قطاریں لگی رہیں۔ ملم جبہ، کالام اور دیگر سیاحتی علاقوں میں سیاحوں نے راستوں میں کیمپ لگائے اور بنگڑے ڈالتے رہے۔