سوات، پیسکو کی جانب سے غیر علانیہ لوڈشیڈنگ کا سلسلہ شروع

سوات  (باخبر سوات ڈاٹ کام)    مینگورہ شہر سمیت ضلع سوات کے مختلف علاقوں میں پیسکو کی جانب سے غیر علانیہ لوڈشیڈنگ کا سلسلہ شروع کردیا گیا ہے۔ گھنٹوں گھنٹوں غیر علانیہ طورپر بجلی کی بدترین لوڈشیڈنگ کی جارہی ہے جس کی وجہ سے کاروبارزندگی مفلوج ہوکر رہ گیا ہے۔ علاقے میں پانی کی بھی شدید قلت پیداہوگئی ہے۔ عوام کو پانی کے حصول میں مشکلات کا سامنا ہے۔ عوامی حلقوں نے بجلی کی غیرعلانیہ لوڈشیڈنگ پر شدید ردعمل کا اظہار کرتے ہوئے اعلیٰ حکام سے فوری نوٹس لینے کا مطالبہ کیا ہے۔