سوات (باخبر سوات ڈاٹ کام) جماعت اسلامی کی سابقہ خاتون ممبر قومی اسمبلی عائشہ سید نے کہا ہے کہ ہندوستان کی جانب سے گزشتہ چھے ماہ سے نہتے کشمیریوں پر ظلم کے پہاڑ توڑے جا رہے ہیں۔ ہسپتال، تعلیمی مراکزبند ہونے سے کشمیریوں کو سخت مشکلات کا سامنا ہے۔ موجودہ حکومت نے کشمیریوں کے لیے چند تقاریر کرکے اپنے آپ کو بری الذمہ قرار دیا ہے، جب کہ اس ظلم پر عالم اسلام کی خاموشی بھی معنی خیز ہے۔ جماعت اسلامی کشمیریوں کے حقوق کے لیے کسی بھی قربانی سے دریغ نہیں کرے گی۔ ماضی میں بھی کشمیریوں کے حق کے لیے آواز اُٹھائی اور آئندہ بھی اُن کے لیے ہر حد تک جانے کو تیار ہیں۔ 5 فروری یوم کشمیر کے حوالے سے جماعت اسلامی کشمیری بھائیوں کے ساتھ بھر پور یکجہتی کا اظہار کرے گی۔
Swat