فتح پور مین بازار، آتش زدگی سے پانچ دکانیں جل کر خاکستر

سوات (باخبر سوات ڈاٹ کام)   تحصیل خوازہ خیلہ کے علاقہ فتح پور کے مین بازار میں آتش زدگی سے پانچ دکانیں جل کر خاکسترہوگئیں،جس سے لاکھوں روپے کا نقصان ہوگیا۔ بازار کی ایک دکان میں بجلی شارٹ سرکٹ کی وجہ سے آگ بھڑک اُٹھی جس نے قریب میں حضرت حسین، عظمت میاں، اعتبار خان، عماد میاں اور شجاع اللہ کی دکانوں کو اپنی لپیٹ میں لے لیا، اور کچھ ہی دیر میں تمام دکانوں میں موجود تمام سامان جل کر خاکستر ہوگیا۔ دکان داروں کے مطابق ان کا لاکھوں روپے کا نقصان ہوا ہے۔