(باخبر سوات ڈاٹ کام) کمشنر ملاکنڈ ڈویژن شوکت علی یوسف زئی نے غیر رجسٹرڈ تنظیموں اور ذاتی حیثیت میں قائم غیر مجاز ریلیف اور ڈونیشن کیمپوں کے خلاف کارروائی کا حکم جاری کیا ہے۔ متعلقہ ضلعی انتظامیہ کو اس سلسلے میں تمام اقدامات کرتے ہوئے ریلیف اور ڈونیشن کیمپ وغیرہ ڈپٹی کمشنر کی اجازت سے مشروط کرنے کے احکامات جاری کئے ہیں۔ ملاکنڈ ڈویژن کے اضلاع کی ضلعی انتظامیہ کو لکھے گئے لیٹر میں کہا گیا ہے کہ سیلاب متاثرین کے لئے ریلیف اور ڈونیشن کیمپ قائم کرنے کے لئے ضلعی انتظامیہ سے این اُو سی لازمی کیا جائے اور غیر مجاز کیمپوں کے خلاف کارروائی کی جائے۔
Swat