سیاحتی مقامات کا حسن بحال رکھنے کے لئے ایکوٹورازم وقت کی ضرورت ہے، محمد علی شاہ خان

(باخبر سوات ڈاٹ کام)خیبر پختوخوا کے نگران وزیرِ مواصلات محمد علی شاہ خان نے کہاہے کہ ماحولیاتی آلودگی پر قابو پانے اور سیاحتی مقامات کا قدرتی حسن بحال رکھنے کے لئے ایکوٹورازم وقت کی ضرورت ہے جس کے لئے ہرممکن اقدامات کیے جائیں گے۔ ان خیالات کا اظہار انہوں نے سیدو شریف میں اَپر سوات ڈویلپمنٹ اتھارٹی کے ڈائریکٹر جنرل سے ملاقات کے دوران گفتگو کرتے ہوئے کیا۔ اس موقع پر ڈپٹی ڈائریکٹر سردار زیب خان بھی موجود تھے ملاقات کے دوران ڈی جی اَپر سوات نے نگران صوبائی وزیر کو اتھارٹی کی اہمت اورکارکردگی کے حوالے سے تفصیلی بریفنگ دی۔ نگران صوبائی وزیر نے کہا کہ ٹور ازم کی بحالی کے لیے سوات میں اتھارٹی کاقیام خوش آئند ہے،جو علاقے میں ٹور ازم کے فروغ میں نمایاں کردار اداکریگی۔