(باخبر سوات ڈاٹ کام)مینگورہ شہر کے سب سے مصروف ترین نشاط چوک میں فائرنگ سے بیٹا جاں بحق اور باپ زخمی ہوگیا۔ جمعرات کو صبح کے وقت طوطی رحمان اپنے والد بخت زادہ کے ساتھ جارہا تھا کہ ملزم عمران ولد خانے ساکن اوڈیگرام نے ان پر اندھادھند فائرنگ کردی، جس سے مصروف ترین چوک میں بھگدڑ مچ گئی۔ لوگ دکانیں چھوڑ کر بھاگ گئے۔ فائرنگ کے نتیجے میں طوطی رحمان موقع پر جاں بحق اور ان کے والد بخت زادہ شدید زخمی ہوگئے، جن کو طبی امداد کے لئے ہسپتال منتقل کردیا گیا۔ ایس ایچ او مینگورہ اور ٹریفک اہلکاروں نے ملزم عمران کو گرفتار کرلیا۔ پولیس کے مطابق قاتل اور مقتول کے خاندان کے درمیان پرانی دشمنی ہے۔
Swat