(باخبر سوات ڈاٹ کام) حالیہ بارشوں کے نتیجے میں مینا بازار بریکوٹ میں کچے مکان کی چھت گرنے سے ایک شخص جاں بحق اور چار افراد زخمی ہوگئے۔ اتوار کی دوپہر مکان کی چھت گرنے سے اہل خانہ ملبے تلے دب گئے۔ ریسکیو اہلکاروں اور مقامی افراد نے امدادی کارروائی کرتے ہوئے ملبے سے 55 سالہ دوا خان کی لاش نکال دی۔ باقی افراد ذاکر، سارہ، سہیل اور گلیشا کو شدید زخمی حالت میں نکال کر طبی امداد کے لئے ہسپتال منتقل کیا۔
Swat